موعدنا اليوم مع واحد من أفضل مصممين الجرافيك.شخص تميز بأسلوب مبدع الذى لا يشاركه  فية احد

1-أستاذ كريم عرفنا بنفسك

كريم آدم,فنان تشكيلي ومصمم جرافيك,خريج كلية الفنون الجميلة جامعة الاسكندرية قسم جرافيك شعبة رسوم نشر,بحب أصمم أغلفة الكتب وبحب الكتب عامة.

2-كيف كانت بدايتك فى مجال التصميم

كانت بدايتي قبل ما أدخل الكلية وانا صغير كنت بحب الرسم ووالدي ووالدتي شجعوني عشان أقدر أدخل الكلية اللي بحبها

وبالفعل الحمد لله دخلت فنون جميلة وخلال فترة الدراسة بدأت اشتغل واتدرب في شركات صغيرة ومكاتب دعاية واعلان

3-ماهي الأدوات التي تستخدمها فى عملك ؟

جهاز pc عادي-wacom-برنامج Adobe photoshop-برنامج Adobe Illustrator

4-كريم أدم معروف بتصميماته التي تتمتع بأسلوب راقي ومختلف,حدثنا عن أسلوبك فى التصميم

شكرا جدا علي زوقكم,أي فنان في أي مجال علشان يقدر يطلع فن لازم يكون في البداية متزوق للفن دة

بمعني ان المصمم عشان يطلع تصميم واحد لازم يكون شايف قبلة 1000 تصميم,ودة اللي حصل معايا في البداية شاهدت أعمال  كثيرة وبعد فترة بدأت أبحث علي أكترحاجة بقدر اعملها وبحبها

وبدأت أتعلم أساليب مختلفة.وبعدين أخدت من كل أسلوب أكتر حاجة عجباني فية.وظهر بعدها استايلي الخاص في الشغل,بحاول علي قد ما أقدر تكون الأعمال بألوان مبهجة وبأفكار جديدة قدر المستطاع.

                                  المصدر : Behance

5-ماهى مصادر إلهامك؟

أكتر الحاجات اللي بتلهمني اني اتفرج علي شغل ناس كتير مختلف وحلو.

6-ماهى المعايير الأساسية التى تركز عليها فى تصميمك؟

أن يكون التصميم مختلفا وجديدا قدر المستطاع وأن يكون فية لمسة الفن التشكيلي بجانب التصميم.

7-ماهو النظام  التشغيل المفضل لديك ؟ولماذا تفضلة؟

بستخدم windows عادي

جربت الماك بس  لم نتفق  🙂

8-ماهى المواقع المفضلة لديك التي تتصفحها بإستمرار؟

behance

deviantart

flickr

9-هل تفضل العمل بشكل حر ام لا ولماذا؟

العمل الحر لية مميزاتة ولية عيوبة

ولكن أنا بفضل العمل الحر لكن بعد فترة لابد ان  يكون موجود بجانبة عمل ثابت لكي  تستطيع  ان توزن الأمور المادية

10-ماهى نصائحك للمصممين الجدد؟

أهم حاجة يتفرجوا كتير

لازم كل واحد يكون لية لمستة الخاصة اللي يتميز بيها

مش عيب انك تقلد مرة .. لكن مش كل مرة

11-من هم المصممين الذين تتابع اعمالهم بإستمرار؟

مش مصممين معينين ولكن بدخل علي الأنترنت عامة وبتفرج.

12-كيف ترى مستقبل تصميم الجرافيك فى الوطن العربى؟

في الفترة الاخيرة ملاحظ ان بقي في ناس كتير قوي كويسة ولها مستقبل رائع

وان شاء الله اللي جاي يكون أفضل

13-ماهى أكثر اعمالك التى تفتخر بها؟

زمن الغم الجميل لـ عمر طاهر

أن تكون عباس العبد  لــ  أحمد العايدي

المانيفستو لــ مصطفي ابراهيم

13-ضع شيئا للتواصل معك من خلالة ؟

[email protected]

facebook

behance

أستاذ كريم آدم بنحب نشكرك على الحوار الجميل ده  وفعلا حضرتك من المصممين المتألقين والجميع هيستقيد من هذا الحوار